Saath ho ke bhi zindagi aaj tu kahin nahi

Saath ho ke bhi zindagi aaj tu kahin nahi

Tere saath hone ka woh  ehsaas aaj nahi

Aaj bhi teri hansi chandni si baras rahi

Lekin is chand se chehre pe roshni meri nahi

Teri aakhon main ye chamak dekhi na thi kabhi

Phoolon si ye hasin khili nahi itni pehle kabhi

Seene main mere bechaini behisaab badh rahi

Saansein is tanhayee main kyun tham si jaa rahi

Tu mujhse ikdin door hone ke liye hi hai bani

Reh jaye shayad meri zindagi adhuri hi sahi

Harpal meri dhadkane mujhse ye keh rahi

Yeh teri chaahat ke sahaare hi ab  dharak rahi

Duniyaan samjhe  tumko door mujhse bhalehi sahi

Tum wafa banke hardum mere saath rahogi yahin

Meri yaadon mein teri aankhein rahengi harghari

mujhmein teri chaahat rahegi zindagi banke basi

Roshni se bhari yeh duniyaan teri ho

Aasmaan ke saare tare tumko mile,

Saat samandar ke aansu mere hon.

Phoolon ki mehek tumhaari sanson ko mile,

Kaanton ki chubhan mere seene mein ho.

Vasant ki khushnumaa subah tumko mile,

Pat-chad ki veerani sham meri ho.

Sawan ki phoohar tumhaari bagiya ko mile,

Sukhe ki tadap meri zindagi mein ho.

Chaahat ke sab rang tumko mile,

Nafrat ke saare zang mere hon.

Khushiyon ke saare shikhar tumko mile,

Gam ki sabse gehri khai meri ho.

Sapnon ki woh haseen wadiyaan tumko mile,

Hakeekat ke yeh jalte registaan mere hon.

Low ki jalan umar bhar mujhko mile,

Roshni se bhari yeh duniyaan teri ho.

Main tujhmein utna hi gum hua jitni door tu mujhse jaati rahi

Hashraton  ki ye duniyaan khud mein  jalne lagi

Armaano ke saare suraj samundar main bujhne lage

Mere jajbaat aaj alfaazon ki talash main bhatakte rahe

Main tujhmein utna hi gum hua jitni door tu mujhse jaati rahi

Jub jub dekhta hoon teri in aankhon main

Jub jub dekhta hoon teri in aankhon main

amawash raatein chandni main bheeng jaati hai.

taaron si timtimati in ankhon ke noor main

is jahaan ki saari roshani benoor nazar aati hai.

neend se bhari teri surkh aankhon main

khwabon ki ye saugaat bhi haqikat si dikhti hai.

kazal ki lakeer se bandhi  chanchal aankhon main

teri ye duniyaan apni hi zindagi si lagne lagti hai.

zehen main unki aankhon ke siwa koi yaad nahi milti

Khwabon main unse hui wo mulakat

Kabhi mere sehar main nahi milti

Chahta hoon unpe sab kuchh luta doon

Magar mujhe unki wafa nahi milti

Bhool jana chahta hoon wo saari baatein

 unki baton main bewafai nahi milti

sochta hoon kahin or ja ke dil laga loon

zehen main unki aankhon ke siwa koi yaad nahi milti

Ye Zindagi ek safar ho

Ye zindagi ek safar  ho or meri zindagi rahi ban jaye

Ye zindagi ek nav ho or meri zindagi patwaar ban jaye

Khuda ki rehmat ho ki saath chalta rahe apne ye karwaan

Ki ye zindagi ek nadi ho or meri jindagi dhara ban jaye 

Tum Bin

kabhi jaagti raho main so gaya tum bin

kabhi soti raaton main jaagta raha tum bin

kabhi kamre main tanhayee se baatein kiya tum bin

kabhi bhari mehfil main akela raha tum bin

beete chand lamhon ki yaadein saath hain mere

kabhi hans liya tum bin to kabhi ro liya tum bin. . .

jisne is toofaan ko manjil tak pahunchaya hai

kyun sunate ho mujhe us mushtafa ki kahani

jo kashiti ko toofaan se kheench ker laya hai...

kabhi haal poochh le mere hare hue dil ka

jisne is toofaan ko manjil tak pahunchaya hai...

Najane kitne samandar doob gaye

jaanana chaho agar to kabhi

mere chahat ki gehraai kitni hai

jhaank lena mere dil ki duniya main

ki ismein najane kitne samandar doob gaye .

Ibadat

Jo kabhi mukammal na ho paye, sayad waisi apni chahat hai

Unke  hoton pe harpal  hasin rahe, khuda se bas ye hi ibadat hai. 

Ye masti ke pal hain

Ye masti ke pal hain  jee bhar ke jee le 

Kal ki fiqkra apne rehnuma pe chhor do

Is mausam ke jitne hasin chehre mile

Aaj unhein apne chehre pe saja lo . 

Jabab

Jiski chahat main jal ke hum badal ban gaye

Aaj wo pooch rahe hai humein pehchanoge kaise

Baag main phool to hazaron khilte rahenge

Lekin chahat bin is patthar dil ko pighlayenge kaise

Jo tujhse door le jaye ye bereham hawa  humein

To apne sard housale se uska rukh badal denge

Jo is kadar tarpayegi ye duniyaan  tumhein

To kehar ban kar iska namonishan mita denge

Kash main tere ashmaan ka badal ban pata

Tum bag main khheeli hui sabse pyari phool ho

Magar kash main tere ashmaan ka badal ban pata

Garmi ki Chilchilati dopahari tera ashiyaan ban jata

Har sham thandi pawan ke jhoole main tujhe jhulata

Jo tu pyasi hoti to khud barash ke tere har pal main bas jata

Tere khwabon ko apni chahat ke yakin se zinda kar doon

Tere khwabon  ko apni chahat ke yakin se zinda kar doon

Jo na dekhe ho kbhi tumein un rangon ko unmein bhar doon

Ye suraj chand tare sab feeke lagne lagenge tumko

saari duniyaan ki khushiyan tere kadmon main rakh doon. 

Unke Noor Se Duniya Roshan Ho Gayi

Aksar khwabon main jinse milte the

Aaj un nazron se zindagi rubaroo ho gayi

Shayad ab talak andheron main jee rahe the

Aaj unke noor se  duniya roshan ho gayi…

Paimana

Humne socha ki hai humara paimana khalipan se bhara hua . . .

Par shaki ne apni ankhon se bina chhalkaye usmein thori or sarab dal di. . .

Adhuri Si Chahat

ek unkahi si baat hai jo dil ko gudgudati hai

ek unchahi si aash hai jo khwabon ko jagati hai

ek meethi si pyash hai jo har pal tarpaati hai

ek adhoori si chahat hai jo tujhmein milati hai

ULJHAN

Uljhan main hai mann magar suljhana nahi chahta

Doob raha hoon main magar tairna nahi chahta

Aankhon main sailab hai magar rona nahi chahta

Tootega ek din ye dil magar sambhalna nahi chahta